“Aqrar Sığorta”nın yığımları artdı, ödənişləri 2,7 milyon manat gerilədi

“Aqrar Sığorta” ASC 2026-cı ilin yanvar-aprel aylarında 11 milyon 857 min manat sığorta haqqı toplayıb.

Valyuta.az xəbər verir ki, bu, ötən ilin eyni dövrü ilə müqayisədə 2 milyon 452 min manat və ya 26,1% artım deməkdir.

Belə ki, şirkət 2025-ci ilin yanvar-aprel aylarında 9 milyon 405 min manat sığorta haqqı toplamışdı.

Hesabat dövründə “Aqrar Sığorta” ASC tərəfindən 301 min manat sığorta ödənişi həyata keçirilib.

Bu göstərici illik müqayisədə 2 milyon 725 min manat və ya 90% azalıb.

Qeyd edək ki, 2025-ci ilin ilk dörd ayında şirkətin sığorta ödənişləri 3 milyon 26 min manat təşkil edib.

Tənzilə Ağabalayeva