Ticarət və xidmət sektorunda fəaliyyət göstərən şirkətlər ötən ay 188 milyon manat kredit götürüb.

Cari ilin yanvar-sentyabr aylarında Azərbaycanda fəaliyət göstərən banklar tərəfindən ticarət və xidmət sektorunda fəaliyyət göstərən hüquqi şəxslərə verilən kreditlərin həcmi 3 milyard 970 milyon 400 min manat olub.

Valyuta.az-ın Mərkəzi Bankın açıqladığı məlumatlara əsasən apardığı hesablamalara görə, bu sektorda fəaliyyət göstərən şirkətlər ötən ay ərzində 188 milyon 500 min manat kredit götürüb. 

Ticarət və xidmət sektorunda fəaliyyət göstərən şirkətlər cari ilin yanvar-avqust aylarında 3 milyard 781 milyon 900 min manat kredit götürüb. 

Hesabat dövründə kreditlərin 126 milyon manatı dövlət mülkiyyətində olan müəssisələrə, 3 mlrd. 844 mln. 400 min manatı özəl müəssisələrə verilib. 

Bu kreditlərin 1 mlrd. 259 mln. 200 min manatı qısamüddətli kreditlər, 2 mlrd. 711 mln. 200 min manatı uzunmüddətli kreditlər olub.

Əvəz Həsənov