Xoşbəxt və qeyri-xoşbəxt pulun fərqi

Kama Ahmad

Kouç

Alman maliyyə eksperti Bodo Şeferə görə pulun 2 növü var: Xoşbəxt və qeyri-xoşbəxt pul. Xoşbəxt pul səninlə qalır və səni xoşbəxt edir. Qeyri-xoşbəxt pul sizi xoşbəxt etmir və sizinlə yalnız müəyyən bir müddət qalır.

Siz kiməsə kömək edirsiniz və buna görə pul alırsınız. Siz müştərinizin hər hansı çətin bir problemini həll etmisiniz, o sizdən çox razıdır və buna görə sizə sevinclə ödəniş edir. Bunlar xoşbəxt pulun misalıdır.

Sevmədiyiniz işdə işləyirsiniz, orada yalnız maaşa görə qalmısınız, işinizə, müdirinizə nifrət edirsiniz və ay sonunda ordan əmək haqqı alırsınız. Siz hər hansı bir öhdəlik götürmüsünüz, işə görə ödəniş alırsınız, lakin gördüyünüz işə görə layiq olduğunuzdan daha az alırsınız. Bu qeyri-xoşbəxt pulun misalıdır.

Hər dəfə neqativ enerji ilə (həvəssiz) pul xərclədikdə, kimsə sizə neqativ enerji ilə pul göndərdikdə bunlar da qeyri-xoşbəxt pulun misalıdır.

Qeyri-xoşbəxt pulların faydasını görmürsünüz, onlar gəldiyi kimi tez uçub gedir... Pulla hansı enerji ilə davranmanız, onu necə xərcləməniz, qəbul etmə şəkliniz pulunuzun xoşbəxt və ya qeyri-xoşbəxt olduğunu təyin edir. Bütün bunlar isə maliyyə həyatınızın nə dərəcədə uğurlu olmasını təyin edir.