Son 5 ildə nə qədər xam neft ixrac olunub?

Azərbaycan hər il bitumlu süxurlardan alınmış xam neft və xam neft məhsullarını xarici bazarlara ixrac edir.

Valyuta.az xəbər verir ki, son 5 ilin yanvar-oktyabr ayları üzrə ixrac statistikasına görə ümumilikdə 110 milyon 078 min 600,70 ton xam neft və neft məhsulları xaricə göndərilib.

Cari ilin yanvar-oktyabr aylarında Azərbaycan 20 milyon 754 min 593,06 ton xam neft və xam neft məhsulları ixrac edib. Ötən ilin eyni dövründə bu göstərici 20 milyon 571 min 968,71 ton təşkil edib. Nəticədə xam neft ixracında 182 min 624,35 ton və ya 0,88% artım qeydə alınıb.

2023-cü ilin yanvar-oktyabr aylarında isə xam neft ixracı 22 milyon 268 min 796,30 ton olub. Bu, 2024-cü ilin eyni dövrü ilə müqayisədə 1 milyon 696 min 827,59 ton və ya 7,6% azalma deməkdir.

2022-ci ilin yanvar-oktyabr aylarında Azərbaycan 22 milyon 682 min 798,25 ton xam neft və neft məhsulları ixrac edib. Bu isə 2023-cü ilin analoji dövrü ilə müqayisədə 414 min 001,95 ton və ya 1,82% azalma deməkdir.

2021-ci ilin ilk 10 ayında xam neft ixracı 23 milyon 800 min 444,38 ton təşkil edib. 2022-ci ilin eyni dövründə bu göstərici 1 milyon 117 min 646,13 ton və ya 4,69% azalıb.

Son olaraq, 2020-ci ilin yanvar-oktyabr aylarında Azərbaycanın xaricə göndərdiyi xam neft və xam neft məhsullarının həcmi 26 milyon 010 min 201,46 ton olub. 2021-ci ilin ilk 10 ayı üzrə bu rəqəm 2 milyon 209 min 757,08 ton və ya 8,49% azalma ilə nəticələnib.

Sərvanə Rəmixanova