Pomidor 10 ayda ölkəyə 159 milyon dollar valyuta gətirib

2025-ci ilin yanvar-oktyabr aylarında Azərbaycandan pomidor ixracı 159 milyon 788 min ABŞ dolları dəyərində olub. 

Valyuta.az xəbər verir ki, həmin müddətdə ixrac edilən məhsulun ümumi miqdarı 146 min 383.75 ton təşkil edib.  

Bu göstəricilər 2024-cü ilin eyni dövrü ilə müqayisədə artımı əks etdirir. Belə ki, ötən ilin ilk on ayında 141 milyon 965 min dollar dəyərində 118 min 922.25 ton pomidor ixrac olunmuşdu. 

Müvafiq olaraq, dəyər ifadəsində 17 milyon 823 min dollar və ya 12.56%, miqdar ifadəsində isə 27 min 461.5 ton və ya 23.09%% artım qeydə alınıb.  

İlin ilk on ayı ərzində pomidor ixracından əldə olunan gəlir aylar üzrə aşağıdakı kimidir (min ABŞ dolları ilə):

yanvar: 14 milyon 714 min

yanvar-fevral: 26 milyon 721 min

yanvar-mart: 44 milyon 569 min

yanvar-aprel: 74 milyon 731 min

yanvar-may: 113 milyon 806 min

yanvar-iyun: 149 milyon 026 min

yanvar-iyul: 156 milyon 872 min 

yanvar-avqust: 157 milyon 153 min 

yanvar-sentyabr: 157 milyon 171 min 

yanvar-oktyabr: 159 milyon 788 min 

Mayya Hüseynova