Ödənişli xidmətlərin həcmi 11 milyardı keçdi

2025-ci ilin yanvar-oktyabr aylarında əhaliyə göstərilən ödənişli xidmətlərin dəyəri illik müqayisədə 1 milyard 674,7 milyon manat və ya 16,43% artaraq 11 milyard 867,1 milyon manata çatıb.

Valyuta.az xəbər verir ki, ötən ilin eyni dövründə bu göstərici 10 milyard 192,4 milyon manat təşkil edib.

Belə ki, hesabat dövründə dövlət mülkiyyəti üzrə göstərilən ödənişli xidmətlərin həcmi 2 milyard 594,9 milyon manat olub. Bu, ötən ilin müvafiq dövrü ilə müqayisədə 353,6 milyon manat və ya 15,77% çoxdur.

Qeyri-dövlət mülkiyyəti üzrə ödənişli xidmətlərin həcmi isə 9 milyard 272,2 milyon manat təşkil edib. Bu, illik müqayisədə 1 milyard 321,1 milyon manat və ya 16,61% artım deməkdir.