Ölkədə əhali ən çox harda yaşayır?

Xəbər verdiyimiz kimi 2024-cü ildə ölkə əhalisinin sayı 44119 nəfər və ya 0,4 % artaraq 2025-ci il yanvar ayının 1-i vəziyyətinə 10 224 889 nəfərə çatıb.

Valyuta.Az bu barədə Dövlət Statistika Komitəsindən məlumat əldə edib.

Qurumun rəsmi statistik göstəricilərinə əsasən əhalinin 54,4 %-ni şəhər, 45,6 %-ni kənd sakinləri, 49,8 %-ni kişilər, 50,2 %-ni isə qadınlar təşkil edib.

Bu ilin əvvəlinə əhalinin 23,0 %-i Bakı şəhərində, 9,2 %-i Lənkəran-Astara, 8,6 %-i Abşeron-Xızı, 7,3 %-i Qarabağ,  7,1 %-i Mərkəzi Aran, 6,6 %-i Qazax-Tovuz, 6,1 %-i Şəki-Zaqatala, 5,9 %-i Gəncə-Daşkəsən, 5,4 %-i Quba-Xaçmaz, 5,2 %-i Mil-Muğan, 4,9 %-i Şirvan-Salyan, 4,6 %-i Naxçıvan Muxtar Respublikasında, 3,1 %-i Dağlıq Şirvan, 3,0 %-i Şərqi Zəngəzur iqtisadi rayonlarında yaşayıb.

Ölkə üzrə bir kvadrat kilometrə düşən əhalinin sayı 118 nəfər olub.

Rəhim