Kənd təsərrüfatı naziri: "Ölkəmizdə aqrar sığorta sistemi Türkiyənin dəstəyi ilə formalaşdırılıb"

“Ölkəmizdə aqrar sığorta sistemi qardaş Türkiyə Respublikasının TARSİM sisteminin təcrübəsi və dəstəyi ilə formalaşdırılıb”.

Valyuta.az xəbər verir ki, bunu kənd təsərrüfatı naziri Məcnun Məmmədov iyunun 20-də Bakıda keçirilən 10-cu "Azərbaycan Beynəlxalq Sığorta Forumu"da deyib.

O, bildirib ki, bu model fermerlərimizin dayanıqlı fəaliyyətlərini təmin etmək, sahəyə marağın stimullaşdırılmasını həyata keçirmək və gəlirlərinin davamlılığını qorumaq üçün nəzərdə tutulub. 

"Dövlət-özəl sektor əməkdaşlığına əsaslanan bu model işlək və uğurlu bir modeldir. Belə ki, məhsulların Aqrar Sığorta Fondu ilə özəl sığorta şirkətləri tərəfindən birgə sığortalanması investisiya risklərini azaldır, fermerlərə dövlət dəstəyini gücləndirir, məşğulluğa müsbət təsir edir, ərzaq təhlükəsizliyinə töhfə verir və sığorta bazarını gücləndirir. Bu baxımdan ölkəmizdə aqrar sığorta mexanizminin tətbiqi dövlətin aqrar sahəyə dəstəyinin növbəti təzahürü kimi qiymətləndirilməlidir" - deyə nazir qeyd edib.

Əvəz Həsənov