Fermerlər bitkilərini 12 milyona sığortalayıblar

Kənd təsərrüfatı bitkilərinin sığortası üzrə həm yığımlarda, həm də ödənişlərdə artım olub. 

Valyuta.az xəbər verir ki, cari ilin ilk 10 ayı üzrə yığımlarda 1 milyon 522 min manat və ya 14% artım olub. 

Mərkəzi Bankın hesabatına əsasən, bu müddət ərzində sözügedən sığorta növü üzrə yığımlar 12 milyon 390 min manat təşkil edib. 

Ötən ilin eyni dövründə isə kənd təsərrüfatı bitkiləri məhsullarının sığortası 10 milyon 868 min manat olub. 

Ödənişlərdə isə 1 milyon 874 min manat və ya 59,56% artım müşahidə olunub. 

Cari ilin ilk 10 ayı üzrə bu sığorta növündə 5 milyon 20 min manatlıq sığorta ödənişi olub, ötən ilin eyni dövründə isə bu məbləğ 3 milyon 146 min manat hesablanıb. 

Sərvanə Rəmixanova