Əczaçılıq məhsullarının idxalında tonluq azalma

2025-ci ilin ilk 3 ayında Azərbaycana 5 min 470.78 ton əczaçılıq məhsulları gətirilib.

Valyuta.az statistik mənbələrə istinadən xəbər verir ki, Azərbaycan idxalın həyata keçirilməsi üçün 117 milyon 427.82 min ABŞ dolları ödəyib. 

Ötən ilin eyni dövrünün statistikasına görə, Azərbaycana 6 min 763,65 ton əczaçılıq məhsulları idxal olunub. İdxal üçün 122 milyon 518,49 min ABŞ dolları dəyərində xərc çəkilib. 

İllik hesabatı müqayisə etsək, bu ilin yanvar-mart aylarında Azərbaycana gətirilən əczaçılıq məhsulları 1 min 292,87 ton azalıb, eyni zamanda çəkilən xərc də də azalma müşahidə olunub. Belə ki, ötən illə müqayisədə bu ilin ilk üç ayında bu məhsullara 5 milyon 090,67 min ABŞ dolları dəyərində az xərc çəkilib. Nəticə bu məhsulların idxalında 20%-lik azalmanın olduğunu deməyə əsas verir. 

Cari ilin ilk 3 ayında əczaçılıq məhsulları ümumi idxalın 2,07%-ni, ötən ilin eyni dövründə isə 3,30%-ni təşkil edib. Bu da onu deməyə əsas verir ki, bu məhsulların ümumi idxal üzrə payı 1,23% azalıb. 

Sərvanə Rəmixanova