Meşə fındığının xaricə satışından 52 milyon dollardan çox gəlir əldə olunub

Bu ilin ilk dörd ayında Azərbaycan xarici ölkələrə 7 min 968 ton miqdarında meşə fındığı satıb.

Valyuta.az xəbər verir ki, bu miqdarda məhsulun satışından 53 milyon 860 min ABŞ dolları əldə edilib. 

Bu ötən ilin eyni dövrü ilə müqayisədə miqdar ifadəsi ilə 1 181 ton və ya 17,4 %, dəyər ifadəsi ilə 12 milyon 312 min ABŞ dolları və yaxud 29,64 % çoxdur.

2024-cü ilin yanvar-aprel aylarında  Azərbaycan xarici ölkələrə 6 min 787 ton miqdarında 41 milyon 547 min ABŞ dolları dəyərində meşə fındığı satıb.

Hesabat dövründə ixrac olunan meşə fındığı ümumi ixracın 0,61 faizini, qeyr-neft sektoru üzrə ixracın 5,04 faizini təşkil edib.

Maya Hüseynova