2029-a qədər çatışmazlıq olmayacaq: Bəs gələn il qiymətlər necə olacaq?

"Goldman Sachs Group Inc." bankının analitikləri bildiriblər ki, misin tonunun 11 000 dollardan yuxarı bahalaşması qısamüddətli olacaq. Metal hələ də kifayət qədərdir və qıtlıq proqnozlaşdırılmır.

Qaynarinfo xəbər verir ki, "Bloomberg"in sitat gətirdiyi ekspertlərin sözlərinə görə, mis qiymətlərində son artımın böyük hissəsi hazırkı fundamental göstəricilərə deyil, gələcək çatışmazlıq gözləntilərinə əsaslanır: "Biz 11 000 dolların üzərindəki mövcud sıçrayışın davamlı olacağını gözləmirik".

Hərçənd "Goldman" 2026-cı ilin birinci yarısı üçün mis üzrə proqnozunu artırıb və ABŞ-ın tətbiq etdiyi rüsumların qiymətləri dəstəkləyəcəyini bildirib.  Bank hesab edir ki, ABŞ-dan kənarda "tənqidi dərəcədə aşağı" ehtiyatların yaranmasının qarşısını daha yüksək regional mükafatlar və London birjasında alış-satış fərqlərinin daralması sayəsində almaq mümkündür. Analitiklərin məlumatına görə, bu il tələb təklifi yarım milyon ton üstələməyəcək və 2029-cu ilə qədər mis qıtlığı gözlənilmir.

"2026-cı ildə 160 min ton səviyyəsində proqnozlaşdırdığımız daha kiçik profisit bazarı balanslaşmaya yaxınlaşdırsa da, bu o deməkdir ki, yaxın zamanda qlobal mis bazarında qıtlıq gözləmirik", deyə analitiklər qeyd edir.

Onların sözlərinə görə, 2026-cı ildə misin qiyməti ton üçün 10 000–11 000 dollar diapazonunda olacaq.

Paşa Məmmədli