10 ayda Azərbaycan meyvə və tərəvəz ixracından 695 milyon dollar qazanıb

2025- cilin yanvar-oktyabr aylarında Azərbaycanda tərəvəz və meyvə ixracı 695 milyon 474 min ABŞ dollar dəyərində olub. 

Valyuta.az xəbər verir ki, həmin müddətdə ixrac edilən məhsulun ümumi miqdarı 660 min 487.05 ton təşkil edib. 

Bu göstəricilər 2024-cü ilin eyni dövrü ilə müqayisədə artımı əks etdirir. Belə ki, ötən ilin ilk on ayında 535 milyon 026 min dollar dəyərində 515 min 707.00 ton tərəvəz və meyvə ixrac olunmuşdu. 

Müvafiq olaraq, dəyər ifadəsində 160 miyon 448 min dollar və ya 29.98%, miqdar ifadəsində isə 144 min 780.05 ton və ya 28.07% artım qeydə alınıb.

İlin ilk on ayı ərzində meyvə və tərəvəz ixracından əldə olunan gəlir aylar üzrə aşağıdakı kimidir (min ABŞ dolları ilə):

yanvar: 60 milyon 487 min                                                                      

yanvar-fevral: 108 milyon 999 min

yanvar-mart: 153 milyon 370 min

yanvar-aprel: 207 milyon 071 min

yanvar-may: 299 milyon 282 min

yanvar-iyun: 415 milyon 753 min

yanvar-iyul:  506 milyon 406 min

yanvar-avqust: 560 milyon 740 min

yanvar-sentyabr: 602 milyon 531 min

yanvar-oktyabr: 695 milyon 474 min

Tənzilə Ağabalayeva