Xarici valyutada depozitlər 65%-dən çox artıb

2025-ci il 1 dekabr tarixinə banklar da daxil olmaqla, maliyyə institutlarındakı ümumi depozitlərin həcmi 5 milyard 912,4 milyon manat təşkil edib.

Valyuta.az xəbər verir ki, bu, əvvəlki ilin eyni dövrü ilə müqayisədə 3 milyard 534 milyon manat və ya təxminən 2,5 dəfə artım deməkdir.

Hesabat dövründə depozitlərin 2 milyard 366 milyon manatı xarici valyutada yerləşdirilib. Bu göstərici üzrə də ciddi artım müşahidə olunub - 2024-cü ilin eyni tarixində xarici valyutada olan depozitlərin həcmi 1 milyard 428,1 milyon manat təşkil edirdi. Beləliklə, bir il ərzində xarici valyutada depozitlər 937,9 milyon manat və ya 65,7% artıb.

2024-cü il dekabrın 1-nə olan məlumata əsasən, ümumi depozitlərin həcmi 2 milyard 378,4 milyon manat idi.

Mayya Hüseynova