“Xalq Sığorta”da ödənişlər artıb, yığımlar isə azalıb

“Xalq Sığorta” ASC cari ilin yanvar-aprel aylarında 9 milyon 551 min manat sığorta haqqı toplayıb. Bu, ötən ilin eyni dövrü ilə müqayisədə 191 min manat və ya 1,96% azalma deməkdir.

Valyuta.az xəbər verir ki, ötən ilin yanvar-aprel aylarında şirkətin yığımları 9 milyon 742 min manat təşkil edib.

Şirkətin sığorta ödənişləri isə artım göstərib. Belə ki, cari ilin ilk 4 ayında ödənişlər 538 min manat və ya 19,23% artaraq 3 milyon 335 min manat təşkil edib. Ötən ilin eyni dövründə bu göstərici 2 milyon 797 min manat olub.

Nəticədə şirkətin zərərlilik səviyyəsində artım qeydə alınıb. Yığımların azalması və ödənişlərin artması fonunda sığorta portfelində ödəniş yükü yüksəlib.

Beləliklə, şirkət bu ilin ilk 4 ayında topladığı hər 100 manat sığorta haqqının təxminən 35 manatını ödənişlərə yönəldib. Ötən ilin eyni dövründə isə bu rəqəm təxminən 29 manat təşkil edib.

Sərvanə Rəmixanova