Tütünə çəkilən xərclər 13 milyon artdı

2025-ci ildə Azərbaycana 131 milyon 961,13 min ABŞ dolları dəyərində tütün və tütün məmulatları idxal olunub.

Valyuta.az xəbər verir ki, bu göstərici ötən ilin eyni dövrü ilə müqayisədə 13 milyon 173,64 min ABŞ dolları və ya 11,08% çoxdur.

Belə ki, 2024-cü ilin eyni dövründə tütün məmulatlarının idxalı 118 milyon 787,64 min ABŞ dolları təşkil edib.

Bununla yanaşı, tütün və tütün məmulatlarının ümumi idxaldakı payı azalıb. 2025-ci ildə bu pay 0,54% olub. Halbuki ötən ilin eyni dövründə sözügedən göstərici 0,56% səviyyəsində idi.

Beləliklə, idxalın dəyər ifadəsində artım qeydə alınsa da, tütün məhsullarının ümumi idxaldakı çəkisi azalma nümayiş etdirib.

Sərvanə Rəmixanova