“Qala Həyat”ın hər 100 manatdan ödədiyi məbləğ 10,95 manata çatıb

“Qala Həyat” Sığorta Şirkəti də cari ilin ilk 4 ayı üzrə zərərliliyi artan sığorta şirkətləri sırasında yer alıb.

Valyuta.az xəbər verir ki, şirkətin sığorta haqları üzrə yığımları hesabat dövründə 653 min manat və ya 6,86% azalaraq 8 milyon 864 min manat təşkil edib.

Halbuki, sığorta şirkəti ötən ilin eyni dövründə 9 milyon 517 min manat sığorta haqqı toplamışdı.

“Qala Həyat” Sığorta Şirkətinin ödənişləri isə illik müqayisədə 527 min manat və ya 118,69% artaraq 971 min manata yüksəlib.

Belə ki, ötən ilin eyni dövründə şirkət 444 min manat sığorta ödənişi etdiyi halda, cari ilin ilk 4 ayında bu göstərici 971 min manat olub.

Hesablamalara əsasən, şirkət cari ilin ilk 4 ayında topladığı hər 100 manat sığorta haqqının 10,95 manatını ödənişlərə yönəldib. Ötən ilin eyni dövründə isə bu göstərici 4,66 manat təşkil edib.

Sərvanə Rəmixanova