Problemli kreditlərin həcmi 82 milyon manat artıb

Cari ilin yanvar-fevral aylarında olan vəziyyətə görə, cəmi kredit qoyuluşları 32 milyard 002.5 milyon manat təşkil edib.  

Valyuta.az xəbər verir ki, ötən ilin müvafiq dövründə 29 milyard 402.9 milyon manat olub. 

Beləliklə illik müqayisədə kredit qoyuluşlarında 2 milyard 599.6 milyon manat və ya 8.84% artım olub. 

Statistikaya əsasən, mart ayının 1-nə vaxtı keçmiş kreditlərdə də 81.9 milyon və ya 17.06% artım müşahidə edilib.

Belə ki, sözügedən dövr ərzində vaxtı keçmiş kreditlər 562.0 milyon təşkil edib. Ötən ilin eyni dövründə isə bu rəqəm 480.1 milyon manat olub.

Mayya Hüseynova