"OpenAI" 300 milyard dollar dəyərində qiymətləndirildi

“OpenAI” 300 milyard dollar dəyərində qiymətləndirmə ilə 40 milyard dollar investisiya alıb

Valyuta.az xəbər verir ki, investisiya turuna Yaponiyanın "SoftBank" şirkəti rəhbərlik edib və bu mərhələdə təkcə "SoftBank" tərəfindən 30 milyard dollara yaxın yatırım edilib. Digər investorlar arasında "Microsoft", "Coatue", "Altimeter" və "Thrive" kimi tanınmış şirkətlər də yer alıb.

Yeni investisiyalar "OpenAI"ın texnoloji inkişafını sürətləndirmək, süni intellekt araşdırmalarını genişləndirmək və istifadəçilər üçün daha güclü məhsullar təqdim etmək məqsədilə istifadə olunacaq.

Məlumata görə, 40 milyard dollarlıq sərmayənin 18 milyard dolları şirkətin "Stargate" adlı yeni layihəsinə ayrılacaq.

Sərvanə Rəmixanova