"Nike"ın bərpa planı gecikir, səhmlər kəskin ucuzlaşıb

“Nike”ın 2026-cı maliyyə ilinin üçüncü rübündə gəlirləri 11,3 milyard dollar səviyyəsində sabit qalıb. Buna baxmayaraq, şirkətin səhmləri maliyyə nəticələrinin açıqlanmasından sonra 8%-dən çox ucuzlaşıb.

Valyuta.az xəbər verir ki, şirkətin baş icraçı direktoru Elliot Hill bildirib ki, həyata keçirilən bərpa planı gözləniləndən daha uzun çəkir. Bununla belə, rəhbərlik seçilmiş strategiyanın düzgün olduğuna inanır.

Artım əsasən qaçış kateqoriyası hesabına təmin olunub. Şirkət performans yönümlü məhsullara diqqəti artıraraq idmanı yenidən əsas prioritetə çevirir.

Digər tərəfdən, rəqəmsal satışlar 9% azalıb. Bu azalma yüksək endirimli promosiyalarla əlaqələndirilir. İdman geyimi seqmenti də zəif nəticələr göstərərək gəlirlərə mənfi təsir edib.

Şirkətin “Win Now” adlı dönüş strategiyası hələlik sürətli nəticə vermir. “Nike” bu plan çərçivəsində tədbirləri 2026-cı ilin sonuna qədər başa çatdırmağı planlaşdırır.

Tənzilə Ağabalayeva