Mərkəzi Bank "Bank of Baku"ya XƏBƏRDARLIQ edib

“Bank of Baku” rəhbərliyində dəyişiklik edib, amma bu barədə qanunda nəzərdə tutulmuş müddətdə Mərkəzi Banka yazılı məlumat verməyib.

Valyuta.az xəbər verir ki, bu barədə Azərbaycan Mərkəzi Bankından bildirilib. Məlumata görə, bank  inzibatçı vəzifəsinə dəyişiklik edib.  Amma bu barədə məlumat AMB-yə gec təqdim edilib.

Qeyd edək ki, bu, konkret olaraq “Banklar haqqında” qanunun 10.6-cı maddəsinin tələbinin pozulması deməkdir. Buna görə Mərkəzi Bank qanunun 47-ci maddəsinə əsaslanaraq banka icrası məcburi olan bir göstəriş verib. Bildirilib ki, bankdan gələcəkdə belə hallar baş verməsin deyə, öz daxili qaydalarını təkmilləşdirməsi tələb olunur.