Mərkəzi Bank “AtaSığorta”ya məcburi göstərişi verdi

Azərbaycan Mərkəzi Bankı “AtaSığorta” ASC ilə bağlı maliyyə sabitliyini qorumaq məqsədilə sığorta şirkətinə icrası məcburi olan xüsusi göstəriş tətbiq edib.

Valyuta.az xəbər verir ki,, göstəriş çərçivəsində “AtaSığorta” tərəfindən yeni öhdəliklərin qəbul olunması, xərclə nəticələnən əməliyyatların aparılması və öhdəlik yaradan müqavilələrin bağlanması müvəqqəti olaraq dayandırılıb.

Bu addım şirkətin maliyyə dayanıqlığının dəstəklənməsi və mövcud aktivlərin təhlükəsiz şəkildə qorunmasına yönəlib. Hazırkı vəziyyətlə bağlı monitorinqi Mərkəzi Bank davam etdirir.