Ölkədəki heyvanların sayı məlum olub

Cari il iyulun 1-i vəziyyətinə ölkə üzrə 7 milyon 132,1 min baş qoyun və keçi, 2 milyon 505,1 min baş iribuynuzlu mal-qara, o cümlədən 1 milyon 240,1 min baş inək və camış, 3 milyon 905 baş donuz mövcud olub.

Valyuta.az Dövlət Statistika Komitəsinə istinadən xəbər verir ki, iribuynuzlu mal-qaranın 49,5 faizini inək və camışlar təşkil edir.

Bu ilin yanvar-iyun aylarında quşçuluq müəssisələrində diri çəkidə 45,0 min ton (keçən ilin yanvar-iyun aylarında 40,3 min ton) quş əti və 584,2 milyon ədəd (keçən ilin eyni dövründə 510,4 milyon ədəd) yumurta istehsal olunub. Ümumilikdə bu müəssisələr üzrə cəmi quşların sayı 11 milyon 563,3 min baş olub, hər yumurtlayan toyuqdan orta hesabla 127 ədəd yumurta alınıb.

Əvəz Həsənov