“Ford” və “Google” arasında əməkdaşlıq - Elektromobillərdə yenilik

İki nəhəng şirkət “Android Auto” ilə bağlı vacib bir xüsusiyyət üzərində razılığa gəlib. Bu əməkdaşlıq, xüsusilə elektrikli avtomobil istifadəçilərinin həyatını asanlaşdıracaq yeniliklər təqdim edir. “Android Auto” istifadə edən “Ford” sahibləri üçün edilən yeniliklər, xüsusilə “Mustang Mach-E” və “Ford F-150 Lightning” modellərində tətbiq olunacaq.

“Ford” istifadəçiləri üçün “Google Xəritələr” daha ağıllı olacaq

Yeniləmə ilə, “Google Xəritələr” vasitəsilə yönləndirmələrdə avtomobillərin şarj vəziyyəti daha ətraflı göstəriləcək. Sürücülər, gedəcəkləri yerə çatdıqda avtomobillərinin nə qədər şarjının qalacağını əvvəlcədən görə biləcək. Bu xüsusiyyət yanvar ayında elan edilmişdi və nəhayət istifadəyə verilib.

Yeniləmənin digər mühüm xüsusiyyəti, NACS şarj stansiyalarının sistemə inteqrasiya edilməsidir. Bu sayədə “Tesla Superşarj” stansiyaları da “Ford”un elektrikli avtomobillərində “Android Auto” vasitəsilə görünə biləcək. “Android Auto”nun 12.9 versiyası ilə gələn bu xüsusiyyət, uyğun porta sahib “Ford” avtomobillərində istifadə oluna biləcək. Sistem, sürücünün şarj stansiyasına doğru yol alarkən avtomobilin batareyasını şarja hazırlamağa da imkan tanıyır.

Uzmanlar “Ford” və “Google” arasındakı bu əməkdaşlığın digər elektrikli avtomobil istehsalçıları üçün də nümunə olacağını düşünür. Xüsusilə ölkəmizdə elektrikli avtomobil istifadəsi artdıqca, bu cür yeniliklər böyük əhəmiyyət kəsb edir.

Əvəz Həsənov