"Karantin müddətinin uzadılması vətəndaşların səyahət xərclərini artırır"

“Azərbaycanda karantin müddətinin uzadılması vətəndaşların xarici ölkəyə səyahəti zamanı xərclərini artırır”.

Bunu Valyuta.az-a açıqlamasında iqtisadçı ekspert Xalid Kərimli karantin müddətinin aprelin 2-nə kimi uzadılmasından danışarkən deyib. Onun sözlərinə görə, bu vəziyyət sərhədyanı ticarətə də təsir edir:

“Çox qəribə vəziyyətdir, dünyada belə bir şey yoxdur, Azərbaycanda isə hələ də karantin müddəti davam edir. Quru sərhədlərin bağlı olması vətəndaşlara təsir edir. Vətəndaş təyyarə ilə uçmağa məcburdur, bilet isə bahadır. Gedən və gələn turizmə mənfi təsir edir. Biz turizmə təkcə gəzinti kimi baxmayaq, onun içərisində təhsil, səhiyyə daha böyükdür”.

Xalid Kərimli qeyd edib ki, turizmin qapalı olması daxildəki qiymətlərə də təsir edir:

“Bu da əhaliyyə ziyandır. İstənilən məhdudiyyət iqtisadiyyata ciddi problem yaradan məsələlərdəndir".

Bahar Rüstəmli