Dünyanın ən varlı kripto milyarderləri - 2025 Reytingi

Kripto getdikcə daha da dəyər qazanır. Bu artım yeni bir nəsil kripto milyarderləri formalaşdırıb — Binance, Coinbase, Ripple, Tether və MicroStrategy kimi qurumların liderləri qlobal maliyyə sistemində əsas söz sahiblərinə çevrilib.

Valyuta.az kiripto milyarderi olan insanları təqdim edir:

1. Changpeng “CZ” Zhao — 29–53 mlrd $ (Binance, BƏƏ)

Sərvəti əsasən Binance, BNB və BTC-dən formalaşır. Hüquqi çətinliklərə baxmayaraq, Binance dünyanın ən böyük birjası olaraq qalır. Şirkət aylıq ehtiyat sübutu açıqlayır, BNB Chain genişlənir və Web3 təhsil proqramları həyata keçirilir. 

2. Brian Armstrong — 11.2 mlrd $ (Coinbase, ABŞ)

Sərvətinin 19%-i Coinbase-dəndir. Coinbase institusional investorların əsas seçim platformasıdır. Armstrong şirkətin IPO prosesinə rəhbərlik edib, Ethereum-un L2 şəbəkəsi olan Base-i istifadəyə verib və təhlükəsizlik standartlarını SOC 2 auditləri ilə gücləndirib.

3. Chris Larsen — 9.2 mlrd $ (Ripple, ABŞ)

Ripple 14 mərkəzi bankla CBDC layihələri üzrə tərəfdaşdır. XRP 2024-də yeni hökumət siyasəti ilə ciddi yüksəliş edib. Larsen beynəlxalq ödənişlər və banklararası rəqəmsal infrastrukturlar üzrə əsas fiqurlardandır.

4. Michael Saylor — 9–10 mlrd $ (MicroStrategy, ABŞ)

Şəxsi portfelində 17,732 BTC, şirkətlə birlikdə ümumilikdə 214 min BTC nəzarətindədir. Saylor “cyber-hodl” strategiyasını müdafiə edir: diversifikasiya yoxdur, yalnız Bitcoinə fokuslanıb.

5. Giancarlo Devasini — 8.7 mlrd $ (Tether, İtaliya)

USDT ehtiyatlarının ABŞ xəzinə istiqrazlarında saxlanması sayəsində Tether 2023-də 6.2 mlrd dollar mənfəət əldə edib. Devasini bu modelin memarıdır. O, həmçinin El Salvador Volcano Energy layihələri ilə ekoloji mining təşəbbüslərinə rəhbərlik edir.

6. Justin Sun — 8.5 mlrd $ (Tron, Honq Konq)

USDT əməliyyatlarının 80%-i Tron üzərindən keçir. Sun xəzinə istiqrazları ilə təmin olunan faizli USDT məhsullarını təqdim edib və real aktivlərin tokenləşdirilməsi (RWA) sahəsində liderlik edir.

7. Paolo Ardoino — 9.5 mlrd $ (Tether, İtaliya)

Tether-in CEO-su kimi “proof + power” strategiyasını idarə edir: ABŞ-da 1 GW gücündə mining fermaları ilə USDT-ni təmiz enerji ilə təmin olunan BTC hasilatı əsasında gücləndirir.

8. Stuart Hoegner — 2.5 mlrd $ (Tether, Kanada)

Tether-in hüquqi və uyğunluq siyasətinə rəhbərlik edir. BDO ilə audit keçidi, OFAC prosedurları və Chainalysis izləmə sistemini tətbiq edib.

9. Tim Draper — 2 mlrd $ (VC investor, ABŞ)

Hələ 2014-də aldığı 29,656 BTC-ni saxlayır. AI, DAO və təhlükəsizlik yönümlü startaplara sərmayə qoyur. Hələ də BTC-nin 250 min dollara yüksələcəyini proqnozlaşdırır.

10. Mike Novogratz — 2.5–4.6 mlrd $ (Galaxy Digital, ABŞ)

Galaxy Digital kripto bankçılığı, aktiv idarəçiliyi və VC sahələrində fəaliyyət göstərir. Şirkət Invesco ilə birlikdə spot BTC ETF idarə edir və DeFi derivativləri üzrə innovativ məhsullar yaradır.

11. Joe Lau — 1.56 mlrd $ (Alchemy, ABŞ)

Alchemy Ethereum-un on-chain sorğularının 70%-dən çoxunu idarə edən aparıcı Web3 infrastrukturudur. Lau bu sistemin texnoloji təkmilləşdirilməsinə rəhbərlik edir.

12. Nikil Viswanathan — 1.5 mlrd $ (Alchemy, ABŞ)

Alchemy-nin CEO-su olaraq platformanı ZK-rollup, DePIN və Alchemy Data API kimi istiqamətlər üzrə genişləndirir. Web3 inkişaf etdiricilərinin əsas seçiminə çevrilib.

Tənzilə Ağabalayeva