Dünyanın ən güclü 10 Mərkəzi Bankı

2025-ci ilin üçüncü rübü üzrə  Beynəlxalq Hesablaşmalar Bankının mərkəzi bankların ümumi aktivləri əsasında tərtib olunmuş reytinq cədvəli dərc edilib.

Valyuta.az xəbər verir ki, Avrozonanın mərkəzi bankı 7,1 trilyon ABŞ dollarından çox aktivlərlə siyahıya liderlik edir. 

Çin və ABŞ mərkəzi bankları isə müvafiq olaraq 6,62 trilyon və 6,59 trilyon dollarlıq aktivlərlə ardıcıl gəlir. 

Mərkəzi bankların aktivlərinə qızıl ehtiyatları, xarici valyuta ehtiyatları, dövlət istiqrazları və maliyyə institutlarına verilmiş kreditlər daxildir. Bu aktivlər mərkəzi banklara faiz dərəcələrini tənzimləmək, inflyasiyanı nəzarətdə saxlamaq və valyutanın məzənnəsini sabit saxlamaq imkanı verir.

2025-ci ilin üçüncü rübü üzrə Beynəlxalq Ödənişlər Bankının məlumatına əsasən, dünyanın ən böyük mərkəzi bankları aşağıdakı kimidir

Aktivlərinə görə ən çox qazanan 10 Mərkəzi Bank (milyard ABŞ dolları):

Avrozona – 7,130 

Çin – 6,621 

ABŞ – 6,587 

Yaponiya – 4,517 

İsveçrə – 1,108 

Birləşmiş Krallıq – 1,001 

Hindistan – 911 

Braziliya – 898 

Sinqapur – 610 

Honq Konq – 534 

Siyahının ilk yerlərində inkişaf etmiş ölkələr yer alsa da, inkişaf etməkdə olan iqtisadiyyatlar da öz mövqelərini gücləndirir. Məsələn, Hindistan Mərkəzi Bankı 911 milyard dollarlıq aktivə sahibdir. Braziliya 898 milyard dollarlıq aktivlə onu izləyir. Səudiyyə Ərəbistanı isə enerji ixracından əldə olunan gəlirlər sayəsində 515 milyard dollar aktiv toplayıb.

Mayya Hüseynova