Bitki sığortası ödənişləri 2,7 milyon manat azalıb

Cari ilin yanvar-aprel aylarında kənd təsərrüfatı bitkiləri məhsullarının sığortası üzrə yığımlar 10 milyon 108 min manat təşkil edib.

Valyuta.az xəbər verir ki, ötən ilin eyni dövründə bu göstərici 8 milyon 902 min manat olub. Bu isə illik müqayisədə 1 milyon 206 min manat və ya 13,5% artım deməkdir.

Ödənişlərdə isə kəskin azalma qeydə alınıb. Cari ilin ilk 4 ayında kənd təsərrüfatı bitkiləri məhsullarının sığortası üzrə 186 min manat ödəniş edilib.

Ötən ilin eyni dövründə bu göstərici 2 milyon 921 min manat olub. Bu isə illik müqayisədə 2 milyon 735 min manat və ya 93,6% azalma deməkdir.

Sərvanə Rəmixanova