Bakıda elektrik mühərrikli avtobuslarla bağlı hansı yeniliklər olacaq?

Azərbaycanda 2026-cı ildən etibarən illik 200–250 elektrik mühərrikli avtobusun istehsalı planlaşdırılır.

Valyuta.az xəbər verir ki, bu barədə Prezident İlham Əliyevin Sərəncamı təsdiq olunmuş Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramında deyilir.

Dövlət Proqramında bildirilir ki, ictimai nəqliyyatda xidmət keyfiyyətinin yüksəldilməsi və sərnişin təhlükəsizliyinin təmin edilməsi məqsədilə avtobus parkının modernləşdirilməsi əsas prioritetlərdən biri olaraq qalır.

Belə ki, ötən il ərzində ölkəyə 160 müasir elektrik mühərrikli avtobus idxal edilib, bu isə 2030-cu ilədək paytaxtda bütün ictimai nəqliyyat vasitələrinin elektrik mühərrikli analoqlarla əvəzlənməsi hədəfinin icrası istiqamətində mühüm addım olub. İdxal olunmuş elektrikli avtobuslarla yanaşı, cari ildən etibarən sözügedən avtobusların ehtiyat hissələrinin yerli bazarda istehsalının təşkili də prioritet hesab olunur.

Bundan başqa, Bakıda sərnişindaşımanı yaxşılaşdırmaq üçün elektrik mühərrikli 1000-dək avtobus alınacaq.

Dövlət Proqramına əsasən, 2025−2027-ci illər ərzində NK və RİNN, İN, MN, ETSN, DŞAK, BŞİH, AAYDA, Azərişıq ilə birlikdə müntəzəm sərnişin daşımalarında istismara buraxılacaq elektrik mühərrikli avtobusların alınması və avtobuslara xidmət göstərəcək qaraj (depo) və elektrik doldurma infrastrukturunun inkişaf etdirilməsini təmin etmılidir.