“Apple” 2025-ci ilin ikinci rübündə rekord gəlir əldə edib - CƏDVƏL

ABŞ mərkəzli texnologiya nəhəngi "Apple" 2025-ci ilin ikinci rübünə dair maliyyə hesabatını açıqlayıb.

Valyuta.az xəbər verir ki, şirkətin maliyyə göstəriciləri, əvvəlki dövrlərlə müqayisədə gəlirlərdə əhəmiyyətli artım olduğunu ortaya qoyub. "Apple" bu rübdə də qazancını artırmağı bacarıb və tarixində ən yüksək gəlir göstəricilərindən birinə imza atıb.

Şirkətin rəsmi məlumatına görə, geridə qalan üç aylıq müddətdə ümumi gəlir 94,04 milyard dollar təşkil edib. Bu göstərici, ötən ilin eyni dövrü ilə müqayisədə 10 faiz artıma bərabərdir. Lakin gəlirdəki rekorda baxmayaraq, xalis mənfəət əvvəlki səviyyələri qoruyub. "Apple" bu rübdə 23,4 milyard dollar xalis gəlir əldə edib.