Tarixi hadisə: NASA zondu ilk dəfə güclü günəş püskürməsini lentə ala bildi (VİDEO)
Kosmik müşahidələr tarixində ilk dəfə olaraq NASA-nın Parker Günəş Zondunun kamerası 2022-ci ildə baş verən güclü tac kütlə püskürməsini (TKP) çəkib. Zond birbaşa püskürmənin içindən keçib və hücuma tab gətirib.
Valyuta.az xəbər verir ki, Con Hopkins Tətbiqi Fizika Laboratoriyasının alimləri tərəfindən hadisəni nümayiş etdirən video yayımlanıb. Koronal kütləvi atılmalar Günəş atmosferindən püskürən super-isti plazmanın böyük partlayışlarıdır. Hadisə böyük sürətlə uçan hissəcikləri buraxır. Onlar Yer kürəsinə çatdıqda radio rabitəsini söndürə və digər xoşagəlməz hallar yarada bilirlər.
Keçən ilin sentyabr ayında Parker tərəfindən qeydə alınmış püskürmə NASA-nın məlumatına görə, qeydə alınmış ən güclü püskürmələrdən biridir. Günəşin atmosferindən uçan hissəciklərin sürəti saatda 1350 kilometrə çatıb. Əldə edilən məlumatlar elm adamlarına TKP-lərin niyə meydana gəldiyini və hissəciklərin necə bu qədər güclü sürətləndiyini anlamağa imkan verəcək.
Parker zondu Günəşi öyrənmək üçün dizayn edilərək buraxılıb. Elm adamları əvvəlcə cihazın tac kütləsinin püskürməsinin içindən keçəcəyini biliblər. Dizayn zamanı bu cür risklər nəzərə alınıb və göründüyü kimi, boş yerə düşünülməyibmiş. Parker günəşdən qoruyan xüsusi istilik qoruyucusu və avtonom sistemlə qorunur.
Püskürmə zamanı zond ulduzdan 9,2 milyon kilometr məsafədə olub. Cihaz iki gün ərzində TKP-nin içərisindən keçib və heç bir zərər görmədən çıxıb.
Nicat
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay