Milli Məclisin deputatı Qüdrət Həsənquliyev parlamentin bu gün keçirilən iclasında təklif edib ki, tikintiyə icazə vermək səlahiyyəti bələdiyyələrə verilsin:

“Bu sahədə islahatlar aparılmalı, tikintiyə icazə vermək səlahiyyəti seçkili orqan olan bələdiyyələrə verilməlidir. Bütün sivil dünyada bu belədir. Tikinti üçün müraciətlərə cavablar onlayn qaydada, ictimaiyyət üçün açıq olmalıdır. Bələdiyyələrə həm də öz təşəbbüsü ilə tikinti üçün yerlərin sənədlərini paket halında hazırlayıb hərraclarda tikinti şirkətlərinə satmaq səlahiyyəti verilməlidir”.

Valyuta.az-a açıqlamasında əmlak məsələləri üzrə ekspert Ramil Osmanov bildirir ki, tikintiyə icazə verilməsi səlahiyyətinin bələdiyyələrə verilməsi effektli olmayacaq: 

“Azərbaycanda bələdiyyələr yerli idarə orqanı olaraq hələ ki, uğurlu nəticə ortaya qoya bilməyiblər. Bu mənada tikintiyə icazə səlahiyyətinin bələdiyyələrə verilməsi sadə dildə desək, bazar yaradacaq. 

Digər tərəfdən, bunun baş verməsi üçün qanunvericilikdə ciddi dəyişikliklə olmalıdır. Tikintiyə icazə məsələsi “Şəhərsalma və Tikinti Məcəlləsi”ilə tənzimlənir. Bu mənada tikintiyə icazə verilməsi səlahiyyəti bələdiyyələrə təklif edilərsə, mütləq mənada “Şəhərsalma və Tikinti Məcəlləsi”nə yenidən baxılmalıdır”.

Ramiz