OPEC+ hasilat səviyyəsi barədə qərarını açıqladı

Səkkiz aparıcı OPEC+ ölkəsi 2026-cı ilin birinci rübündə neft hasilatının artırılmasını dayandırmaq qərarını dəstəkləyib və bu dövr üçün neft hasilatı kvotalarını 2025-ci ilin dekabr ayı səviyyəsində saxlayıb.

Valyuta.az xəbər verir ki, bu barədə təşkilatın rəsmi saytında məlumat verilib.

Məlumata görə, "səkkizliy"in növbəti görüşü 4 yanvar 2026-cı ildə keçiriləcək.

Qeyd edək ki, OPEC+ "səkkizliyi"nə Səudiyyə Ərəbistanı, BƏƏ, Qazaxıstan, Rusiya, İraq, Küveyt, Əlcəzair və Oman daxildir.

Beləliklə də, kompensasiya cədvəli nəzərə alınmadan 2026-cı ilin yanvar-mart aylarında Rusiya üçün hasilat kvotası 9.574 milyon barel, Səudiyyə Ərəbistanı üçün 10.103 milyon barel, İraq üçün 4.273 milyon barel, BƏƏ üçün 3.411 milyon barel, Küveyt üçün 2.58 milyon barel, Qazaxıstan üçün 2.58 milyon barel, Əlcəzair üçün 971 min barel, Oman üçün 811 min barel təşkil edir.

©Oxu.az