Sərnişinlər metrodan daha az istifadə edib

Bu ilin yanvar-noyabr aylarında metro nəqliyyatının xidmətlərindən istifadə edən sərnişinlərin sayı 205 milyon 015,5 min nəfər olub. 

Valyuta.az Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 1,74% və ya 3 milyon 625,7 min nəfər azdır.  

Ötən ilin eyni dövründə bu göstərici 208 milyon 641,2 min nəfər olub. Xatırlatma üçün qeyd edək ki, bu ilin yanvar-oktyabr aylarında isə metrodan istifadə edənlərin sayı 208 milyon 641,2 min nəfər olub. 

Bununla yanaşı, nəqliyyat sektorunda daşımaların həcmində xüsusi çəkisi ən böyük olan avtomobil nəqliyyatı ilə 134 326,6 min ton yük, 1 756 344,0 milyon sərnişin daşınıb. 

Ümumilikdə isə nəqliyyat sektorunda fəaliyyət göstərən müəssisələr və fiziki şəxslər tərəfindən bu ilin yanvar-noyabr aylarında 217,9 milyon ton yük və 1 974,4 milyon sərnişin daşınıb. 

Əvvəlki ilin eyni dövrü ilə müqayisədə yük daşınması 2,0 faiz, sərnişin daşınması isə  5,6 faiz artıb.

Mayya Hüseynova