Mərkəzi Bankın balansındakı nəqliyyat vasitələri satışa çıxarılır - Qiymətlər

Azərbaycan Respublikasının Mərkəzi Bankının balansında olan nəqliyyat vasitələri 25 dekabr tarixində hərraca çıxarılacaq.

Valyuta.az xəbər verir ki, satışa ümumilikdə 22 nəqliyyat vasitəsi təqdim olunacaq.

Hərrac Bakı şəhəri, Xətai rayonu, Əhmədli qəsəbəsi, M.Hadi küçəsi 136P ünvanında keçiriləcək. Siyahıda müxtəlif markalara aid minik, yük və xüsusi təyinatlı avtomobillər yer alır.

Təklif olunan minik avtomobilləri arasında 2013-cü il buraxılışlı “Mercedes Benz S 500” 35 368,5 manat, 2016-cı il buraxılışlı “Lexus LX 570” isə 102 681,7 manat start qiyməti ilə satışa çıxarılıb. Bundan başqa, 2012-ci il buraxılışlı “BMW 740 Li” 17 201,33 manat, 2010-cu il buraxılışlı “Hyundai Sonata” isə 10 906 manat start qiyməti ilə təklif olunur.

Digər nəqliyyat vasitələri arasında 2004-cü il buraxılışlı “Audi A8” (10 000 manat), 2007-ci il buraxılışlı “Toyota Camry” (9 000 manat), 2011-ci il buraxılışlı “Honda Accord” (10 640 manat) və 2012-ci il buraxılışlı “Hyundai Equus 3.8” (15 000 manat) da var.

Siyahıya xüsusi təyinatlı avtomobillər də daxildir. 1999-cu il buraxılışlı “Mercedes Benz 414” 31 327,2 manat, 2006-cı il buraxılışlı “Mercedes Benz 314” inkassasiya avtomobili isə 54 000 manat start qiyməti ilə satışa çıxarılır.

Yevlax şəhərində yerləşən nəqliyyat vasitələri də hərraca təqdim olunur. Bunlara 1996-cı il buraxılışlı “VAZ-21213” (3 800 manat) və 2011-ci il buraxılışlı “Honda Accord” (13 537,5 manat) daxildir.

Hərracda iştirak üçün start qiymətinin 10 faizi məbləğində beh ödənilməsi tələb olunur. İştirakçılar tələb olunan sənədləri hərracın başlanmasına ən geci 3 bank günü qalanadək Əmlak Məsələləri Dövlət Xidmətinin Əmlak Xidmətləri Məkanına təqdim etməlidirlər.

Mayya Hüseynova