“Meqa Sığorta”nın sığorta yığımlarında 2 milyonluq itki

Cari ilin yanvar-noyabr  aylarında “Meqa Sığorta”nın sığorta yığımlarında 2 milyon 359 min manat və ya 7,2% azalma müşahidə edilib. 

Valyuta.az xəbər verir ki, bu ilin ilk 11 ayında sığorta şirkətinin yığımlardan əldə etdiyi məbləğ 30 milyon 38 min manat olub. 

Ötən ilin eyni dövründə isə sığorta şirkətinin yığımları 32 milyon 397 min manat təşkil edib.

“Meqa Sığorta”ASC-nin sığorta ödənişlərinə gəldikdə isə ödənişlərin artıb. Daha aydın desək, sığorta şirkətinin ödənişlərində 486 min manat və ya 3.4% artım olub. 

“Meqa Sığorta” ASC cari ilin ilk 11 ayında 14 milyon 595 min manatını ödəniş üçün ayırıb, ötən ilin eyni dövründə isə bu göstərici 14 milyon 109 min manat təşkil edib. 

Şirkət sözügedən dövrdə hər 100 manatdan 48,58 manatını ödəniş üçün ayırıb ki, ötən ilin eyni dövründə bu göstərici 43,55 manat olub. 

Tənzilə Ağabalayeva