Həyat sığortası üzrə ödənişlər 540 milyonu ötüb

Cari ilin yanvar-oktyabr aylarında həyat sığortası üzrə 632 milyon 89 min manat sığorta haqqı ödənilib.

Valyuta.az xəbər verir ki, ötən ilin eyni dövrü ilə müqayisədə bu, 91 milyon  946 min manat və ya 17,02% artım deməkdir.

Ötən ilin yanvar-oktyabr aylarında həyat sığortası üzrə 540 milyon 143 min manat sığorta haqqı ödənilib.

Bu ilin yanvar-oktyabr aylarında həyat sığortası üzrə ödənişlər 541 milyon 883 min manat olub ki, bu da keçən ilin eyni dövrü ilə müqayisədə 138 milyon 980 min manat və ya 34,49% artım deməkdir.

Nəzərə çatdıraq ki, ötən ilin yanvar-oktyabr aylarında 402 milyon 903 min manat həyat sığortası ödənişi həyata keçirilib.

Tənzilə Ağabalayeva