Fransada taksi sürücüləri tibbi tariflərin azaldılmasına etiraz edir

Fransada taksi sürücüləri tibbi daşımacılıq tariflərinin azaldılmasına qarşı kütləvi etiraz aksiyası keçiriblər. 

Valyuta.az xəbər verir ki, aksiya əsasən Paris ətrafı və İl-de-Frans regionunda təşkil olunub. Bu barədə "BFMTV" telekanalı məlumat yayıb.

Bildirilir ki, səhər saatlarında etirazçılar A1 və A13 magistral yollarından istifadə edərək paytaxt Paris istiqamətində hərəkət ediblər. Onlar parlamentin iclas zalı qarşısında toplaşmağı planlaşdırır. Tıxacların uzunluğunun 400 km-dən çox olduğu qeyd olunur.

Taksi sürücüləri tibbi daşımacılıq qiymətlərinin azaldılmasını nəzərdə tutan yeni qanun layihəsinə qarşı çıxır və tariflərin indiki səviyyədə qalmasını tələb edirlər.

Bənzər vəziyyət Qırğızıstanın paytaxtı Bişkekdə də yaşanıb. Orada "Yandex Taksi" platformasına bağlı 50 sürücü şirkətin ofisi qarşısında aksiya keçirib. "İnterfaks" xəbər agentliyinin məlumatına görə, sürücülər xidmət üçün tətbiq edilən 21%-lik komissiyanın azaldılmasını tələb ediblər.

Paşa Məmmədli