Redaktor
"Apple"ın 20 illik işçisi "Meta"ya keçib
Təxminən 20 illik "Apple" təcrübəsindən sonra Alan Day "Meta" şirkətinə keçib. O, "Reality Labs" bölməsi çərçivəsində yaradılan yeni dizayn studiyasının rəhbəri təyin olunub. Bu kadr dəyişikliyi Silikon Vadisində texnoloji güc balansında əhəmiyyətli dəyişiklik kimi qiymətləndirilir.
Valyuta.az xəbər verir ki, Alan Day 2006-cı ildən "Apple"da fəaliyyət göstərib və 2015-ci ildə Coni Ayv gündəlik idarəçilikdən uzaqlaşdıqdan sonra interfeys dizayn komandalarına rəhbərlik edib.
Bu müddət ərzində o, "iPhone", "iPad", "Vision Pro" və "Apple Watch" kimi məhsulların interfeys dizaynını formalaşdırıb. Day son olaraq "iOS", "macOS" və "watchOS" sistemlərində təqdim edilən “Liquid Glass” dizayn yanaşmasının müəllifi olub və bunu "Apple"ın proqram təminatı sahəsində “növbəti fəsil” kimi dəyərləndirib.
"Meta", Alan Dayi yeni yaradılmış yaradıcı dizayn studiyasının rəhbəri kimi təqdim edir. Mark Zukerberqin təşəbbüsü ilə qurulan bu studiya dizayn, moda və texnologiya sahələrini bir araya gətirərək süni intellekt və yeni nəsil avadanlıqlar üzrə təcrübələrin inkişafına yönəlib. Studiyada Dayə əvvəllər həm "Apple", həm də "Meta"da çalışmış Billi Sorrentino və Coşua To, eləcə də "Meta"nın sənaye və metavers dizayn komandaları dəstək verəcək.
Alan Day "Meta"da əsasən süni intellektlə təchiz olunan avadanlıqlara fokuslanacaq. "Quest" seriyalı VR/AR cihazları və "Ray-Ban Meta" ağıllı eynəkləri son bir ildə "Meta"nın istehlak bazarındakı ən böyük nailiyyətləri arasında göstərilir. Mark Zukerberq bu cihazların “texnologiya ilə qarşılıqlı əlaqəni köklü şəkildə dəyişəcəyini” bildirərək Day-in rolunu strateji baxımdan xüsusi əhəmiyyətli hesab edir. Alan Day birbaşa texnologiya üzrə baş direktor Endryu Bosvörsə tabe olacaq və cihazlarda süni intellekt təcrübələrinin interfeys dizaynını formalaşdıracaq.
"Apple" tərəfində isə yaranan rəhbərlik boşluğu tezliklə doldurulub. CEO Tim Kuk Alan Dayin yerinə Stefan Lemayın təyin olunduğunu açıqlayıb. 1999-cu ildən bu yana "Apple"da çalışan Lemay, demək olar ki, bütün əsas interfeys dizayn layihələrində iştirak etmiş təcrübəli mütəxəssisdir. Şirkət dizaynın "Apple" üçün “mövcudluq baxımından birinci dərəcəli prioritet” olaraq qalacağını vurğulayır.
"Meta"nın "Apple" və "OpenAI" kimi rəqib şirkətlərdən yüksək ixtisaslı kadrları cəlb etməsi getdikcə sürətlənir. Qeyd edək ki, yaxın günlərdə "Apple"ın süni intellekt strategiyasına rəhbərlik edən Con Ciannandrea da vəzifəsini tərk etdiyini açıqlamışdı. Alan Day-in "Meta"ya keçidi isə dizaynın texnoloji rəqabətdə nə dərəcədə strateji əhəmiyyət daşıdığını bir daha göstərir.
Mayya Hüseynova
Köşə yazıları
Xəbər lenti
Bütün xəbərlərTütün istehsalçısının xarici satışları 4 milyon dollar artıb
04.12.2025Uğurlu sahibkarlar nə edirlər və siz bu bacarıqları necə əldə edə bilərsiniz?
04.12.2025Azərbaycanda ən az əməkhaqqı hansı rayonlardadır? - Siyahı
04.12.2025Bu şəxlərə 2000 manat veriləcək
04.12.2025Distant iş və yaratdığı suallar: Maaş fərqi çox olacaq?
04.12.2025Qızıl üçün üç əsas ssenari - Qiymətlər necə dəyişə bilər?
04.12.2025Kanada şirkətini aldılar, gözləniləndən 3 qat artıq qızıl tapdılar - 4 milyard dollar...
04.12.2025İran hakerləri taktika dəyişdi - Kiberhücumlarda yeni dövr
04.12.2025“iPhone 17” satışları rekord qırır
04.12.2025Yasamaldakı yaşayış binasında baş verən yanğında zərərçəkən sakinlərə kirayə haqqı veriləcək
04.12.2025Bu şirkət hər il ən yaxşı əməkdaşlarına pulsuz səyahətlər və lüks avtomobillər hədiyyə edir
04.12.2025Dünyada dollar milyarderlərinin sayı artıb
04.12.2025Nazirliyin vəzifəli şəxsi cərimələndi
04.12.2025“Brevo” 583 milyon dollar investisiya alıb
04.12.2025"İvanovka"da məhsul satışı qadağan edildi
04.12.202513 milyon maaş alacaq
04.12.2025Ötən ay Bakıda torpaq qiymətləri nə qədər artıb? - CƏDVƏL
04.12.2025