Tovuzda heyvan bazarı nə vaxt açılacaq? - VİDEO

Tovuzda heyvan bazarı bağlanan gündən yerli təsərrüfat sahibləri, heyvandarlıqla məşğul olan fərdi sahibkarlar, eləcə də kənd sakinləri bəslədikləri heyvanların satışında və ya alışında çətinlik çəkirlər. Təsərrüfatçıların sözlərinə görə, kimi sosial şəbəkə, kimisi isə dəllal vasitəsi ilə satış həyata keçirməli olur. Bu da onların qazanc əldə etməsini sual altında qoyur.

Sakinlər bildirirlər ki, ətraf rayonlardakı bazarlara getmək də onlara xeyli baha başa gəlir.

Tovuz heyvan bazarının rəhbərliyindən "Xəzər Xəbər"ə bildirilib ki, onlar da yaxın vaxtlarda Qida Təhlükəsizliyi Agentliyinin müvafiq tələbləri çərçivəsində tikinti işlərinə başlamağı planlaşdırırlar.