Sərnişin daşınmalarında 59 milyonluq artım

Cari ilin yanvar-sentyabr aylarında avtobus nəqliyyatı ilə 1 milyard 330 milyon 600,2 min nəfər sərnişin daşınıb.

Valyuta.az xəbər verir ki, bu, ötən ilin müvafiq dövrü ilə müqayisədə 82 milyon 382,4 min nəfər və ya 6,60% çoxdur. Ötən ilin eyni dövründə avtobus nəqliyyatı ilə 1 milyard 248 milyon 217,8 min nəfər daşınmışdı.

Hesabat dövründə taksi nəqliyyatı ilə sərnişin daşımalarında da artım müşahidə olunub. Belə ki, taksi xidməti ilə daşınan sərnişinlərin sayı ötən ilin 61 milyon 379,9 min nəfər göstəricisindən 61 milyon 809,9 min nəfərə yüksəlib. Artım 429,6 min nəfər və ya 0,69% təşkil edib.

Sərnişindaşıma xidmətlərindən əldə olunan gəlirlər isə 971 milyon 916,2 min manat olub. Bu, ötən ilin eyni dövrü ilə müqayisədə 59 milyon 318,8 min manat və ya 6,49% çoxdur. Ötən ilin analoji dövründə gəlir 912 milyon 597,4 min manat idi.

Sərvanə Rəmixanova