Kilosu 509 manata ölkəyə balıq gətirilib

2025-ci ilin yanvar-oktyabr aylarında Azərbaycana 0,89 ton təzə və ya soyudulmuş qızılbalıq idxal olunub.

Valyuta.az xəbər verir ki, idxalın ümumi dəyəri 67,55 min ABŞ dolları təşkil edib.

Məlumata görə, qızılbalığın əsas hissəsi Türkiyədən gətirilib. Belə ki, bu ölkədən 0,86 ton qızılbalıq 61,39 min ABŞ dolları dəyərində idxal olunub. Türkiyədən gətirilən qızılbalığın 1 kiloqramının orta qiyməti 71,38 ABŞ dolları, manat ifadəsində isə 121,35 manat olub.

Fransadan isə 0,02 ton olmaqla 5,99 min ABŞ dolları dəyərində qızılbalıq gətirilib. Bu ölkədən idxal olunan məhsulun 1 kiloqramının qiyməti 299,5 ABŞ dolları və ya 509,15 manat təşkil edib.

İspaniyadan idxalın dəyəri 0,17 min ABŞ dolları olaraq göstərilsə də, məhsulun həcmi rəsmi statistikada qeyd olunmayıb.

Sərvanə Rəmixanova