Bankların mənfəət vergisi ödənişləri 13% artıb

Bu ilin noyabrın 1-nə bank sektoru 241,6 milyon manat məbləğində mənfəət vergisi ödəyib.

Valyuta.az xəbər verir ki, bu göstərici ötən ilin eyni dövrü ilə müqayisədə 27,7 milyon manat və ya 13% artım deməkdir.

Qeyd edək ki, 2024-cü ilin eyni dövründə banklar 213,9 milyon manat məbləğində mənfəət vergisi ödəyib.

Aylıq müqayisə də artım dinamikasının davam etdiyini göstərir. Belə ki, bu ilin oktyabrın 1-nə olan məlumata əsasən, banklar 214,5 milyon manat mənfəət vergisi ödəyib. Nəticədə aylıq artım 27,1 milyon manat və ya 12,6% təşkil edib.

Mayya Hüseynova