10 ildən çoxdur fəaliyyət göstərən hazır turizm biznesi satışa çıxarıldı - QİYMƏT

10 ildən çoxdur fəaliyyət göstərən turizm şirkəti hazır biznes kimi 48 000 manata satışa çıxarılıb.

Valyuta.az xəbər verir ki, şirkətin aylıq gəliri 500–5000 manat arasında dəyişir.

Qeyd olunur ki, mövcud bazar dəyərindən xeyli aşağı qiymətə təklif olunan şirkət hazırda aktiv qazanc mərhələsindədir və heç bir maliyyə problemi yoxdur.

Rəhbərliyin fəaliyyət istiqamətini dəyişməsi səbəbilə satışa çıxarılan turizm agentliyi, ofis daxili bütün avadanlıqları ilə birlikdə yeni sahibinə mülkiyyət kimi təhvil veriləcək. Şirkət güclü marketinq strategiyası əsasında qurulub və rəsmi fəaliyyət göstərir. Müştərilər və xidmət təminatçıları ilə əməkdaşlıq müqavilələri iki dəfə təkmilləşdirilərək yenilənib.

Peşəkar və məsuliyyətli menecerlərdən ibarət komanda tərəfindən idarə olunan şirkət daxili və xarici bazar araşdırmaları əsasında yüksək səviyyəli xidmət göstərir. İndiyə qədərki bütün müştəri əməkdaşlıqları müqavilə əsasında qurulub və hazırda da aktiv müqavilələr qüvvədədir. Şirkətin vergi, icarə və digər maliyyə borcu yoxdur.

Mövcud müştəri bazası illər ərzində qorunub saxlanılıb və hazırda belə şirkətə müraciət edən potensial müştərilərin məlumatları mövcuddur. Şirkətin sosial media hesabları, brendinqi və kontentləri tam şəkildə hazırlanıb və istifadəyə hazır vəziyyətdədir.

Maya Hüseynova