Redaktor
"Apple"ın planları mediaya sızdı: Yeni "Mac" modelləri üzə çıxdı
"Apple"ın 2026-cı ilin sonuna qədər buraxacağı bütün "Mac" modelləri mediaya sızıb: M5, M6, yeni "MacBook Pro", "iMac", "Mac mini" və sürpriz "A18 Pro" ilə təchiz olunmuş "MacBook" yoldadır...
Valyuta.az xəbər verir ki, "Apple" öz çiplərini istifadə etməyə başladığından bəri "Mac" modellərinin nə vaxt buraxılacağını təxmin etmək daha asan oldu. Bəzən Mac Studio kimi sürprizlərlə qarşılaşsaq da, şirkətin məhsul buraxılış cədvəli ümumiyyətlə sabit bir xətt üzrə irəliləyir.
Yaxınlarda "AppleInsider" "Apple"ın 2026-cı ilin sonuna qədər buraxmağı planlaşdırdığı "Mac" modelləri haqqında hərtərəfli bir inkişaf planı əldə etdi. Bu məlumatlar "Apple"ın məhsul identifikasiya nömrələri vasitəsilə sızıb.
2025-ci ilin sonunda yeni "Mac" modelləri gəlir
"Apple"ın şayiələrə görə ilin ikinci yarısında yeni nəsil M5 çip ailəsini təqdim etməyi planlayır. Bu seriyada M5, M5 Pro və M5 Max prosessorları yer alacaq. Sızıntılara əsasən aşağıdakı modellərin buraxılması gözlənilir:
J714c: M5 Max çipli 14 düymlük MacBook Pro
J714s: M5 Pro çipli 14 düymlük MacBook Pro
J716c: M5 Max çipli 16 düymlük MacBook Pro
J716s: M5 Pro çipli 16 düymlük MacBook Pro
Bunlara əlavə olaraq, "Apple"ın J833ct identifikasiya nömrəli M5 prosessorlu yeni "iMac" üzərində işlədiyi bildirilir. Həmçinin J873s identifikatorlu M5 Pro ilə təchiz olunmuş "Mac mini" də hazırlanma mərhələsindədir. Standart M5 çipli "Mac mini" modeli də planlaşdırılır.
İlin sonuna yaxın "Apple" güclü bir çiplə təchiz olunmuş yeni "Mac Pro" modelini də təqdim edə bilər. J704 kodlu bu modelin M3 Ultra yoxsa hələ təqdim olunmamış M5 Ultra çipi daşıyacağı hələ dəqiqləşməyib. Şirkət adətən ən güclü çiplərini bir qədər daha gec buraxmağa meyllidir.
2026-cı ilin əvvəlində hansı "Mac"lar gəlir?

2026-cı ilin ilk aylarında "Apple" iki yeni "MacBook Air modeli" ilə çıxış edə bilər: J713 (13 düym) və J715 (15 düym).
Həmçinin "Apple" J775c və J775d identifikatorlu yeni "Mac Studio" konfiqurasiyaları üzərində işləyir. Bu modellərə M5 Max və çox güman ki, M4 və ya M5 Ultra çip variantları inteqrasiya edilə bilər.
Ən diqqətçəkən sızıntılardan biri J700 kodlu sirli bir "Mac" modelidir. Bu cihazın A18 Pro çipli "MacBook" ola biləcəyi təxmin edilir. Təhlilçilərə görə bu model 2026-cı ilin əvvəlində təqdim edilə bilər.
2026-cı ilin sonunda nələr gözlənilir?
Sızan sənədlər 2026-cı ilin sonuna yaxın "Apple"ın M6 çip ailəsinə keçid edəcəyini göstərir. Bu çərçivədə aşağıdakı modellərin buraxılması gözlənilir:
K114c: M6 Max çipli 14 düymlük MacBook Pro
K114s: M6 Pro çipli 14 düymlük MacBook Pro
K116c: M6 Max çipli 16 düymlük MacBook Pro
K116s: M6 Pro çipli 16 düymlük MacBook Pro
Bu yeni nəsil "MacBook Pro"larda əhəmiyyətli yeniliklər olacaq:
* Apple’ın bu cihazları yenidən dizayn edərək OLED ekran texnologiyasına keçəcəyi dəqiqləşir.
* Həmçinin daxili mobil rabitə modem dəstəyi təqdim edilə bilər. Bu, "Mac"larda ilk dəfə mobil məlumat bağlantısının mümkün olması deməkdir.
Paşa Məmmədli
Köşə yazıları
Xəbər lenti
Bütün xəbərlərAzərbaycanlıların üz tutduğu yeni daşınmaz əmlak bazarı: Səbəblər nədir?
14.12.2025Ofisdə işləməkdən imtina edib qlobal HR platforması qurdu - SƏHƏR OXUSU
14.12.2025
Yataqxanada 1000 dollara şirkət qurdu - İndi 148 milyard pulu var
13.12.2025Rusiya xüsusi təyinatlı polisi Azərbaycan diasporunun nümayəndələrinə qarşı əməliyyat keçirdi
13.12.2025Ən bahalı "Dodge" avtomobilləri: sürət, güc və klassikanın birləşməsi
13.12.2025DGK FHN rəisini cərimələdi: Nümayəndəsi Maliyyə Nazirliyini günahlandırdı
13.12.2025"Apple" ilə Azərbaycanın regional rəqəmsal mərkəzə çevrilməsi üzrə birgə layihələr reallaşdırıla bilər
13.12.2025Sərnişinlər metrodan daha az istifadə edib
13.12.2025Gələn ildən bu şəxslərin gəlirlərindən daha çox pul tutulacaq
13.12.2025Binaların dağılmadan mühafizəsi ilə bağlı yeni qaydalar təsdiqlənib
13.12.2025
Rəqəmsal dövlətə keçid: Azərbaycanın yeni Yol Xəritəsi nə vəd edir?
13.12.2025SOCAR və Neft Fondunun təsisçisi olduğu şirkət ilkin kapitalını azaldıb
13.12.2025Rəşad Nəbiyev “NVIDIA”, “Meta” və AMD rəhbərliyi ilə nəyi müzakirə edib? - FOTO
13.12.2025Əhali bank sisteminə güvənmir - İqtisadçı
13.12.2025
Gələn ildən telefon və noutbuklar zəifləyəcək
13.12.2025