"Google" istifadəçilərin məlumatı və razılığı olmadan onların yerlərini izlədiyinə dair iddialarla bağlı razılaşma çərçivəsində 93 milyon dollar təzminat ödəyəcək.

Valyuta.az xəbər verir ki, bu barədə "The Guardian" məlumat yayıb.

Şirkətə qarşı məhkəmə iddiası Kaliforniya Baş prokuroru Rob Bonta tərəfindən qaldırılmışdı və o, şirkətin istifadəçiləri aldadıb, onların yer məlumatlarına əslində olduğundan daha çox nəzarət etdiklərinə inandırdığı qənaətinə gəlib.

“Araşdırmamız müəyyən etdi ki, "Google" istifadəçilərinə imtina etsələr, artıq onların yerlərini izləməyəcəyini deyib, lakin bunun əksini edib və öz kommersiya mənfəətləri üçün istifadəçilərinin hərəkətlərini izləməyə davam edib. Bu qəbuledilməzdir və biz "Google"u məsuliyyətə cəlb edirik”, deyə Bonta bildirib.

Baş Prokurorluq həmçinin "Google"un "istifadəçiləri məkana yönəlmiş reklamdan imtina etmək imkanları barədə yanıltdığını" iddia edir. “Məkan Tarixçəsi” funksiyasını söndürdükdən sonra şirkət istifadəçiləri başqa üsullarla, xüsusən də onların şəbəkə və proqramlardakı fəaliyyətini izləməyə davam edib.

Razılaşmanın bir hissəsi olaraq, "Google" günahını etiraf etməyib, lakin bir sıra güzəştlərə gedib, xüsusən də istifadəçilərin yerini izləmə üsulları ilə bağlı şəffaflıq vəd edib.

Paşa Məmmədli