2025-ci il üçün dünyanın və Asiyanın ən xoşbəxt ölkələri açıqlanıb. 

Valyuta.Az xəbər verir ki, "Dünya Xoşbəxtlik Hesabatı"na əsasən, dünyanın ən xoşbəxt ölkəsi Finlandiya, Asiyanın ən xoşbəxt ölkəsi Tayvan seçilib. 

Tayvan dünyanın 147 ölkəsi arasında 4 pillə irəliləyərək 27-ci yeri tutub və Asiya birinciliyini Sinqapurdan alıb.

Finlandiya isə ardıcıl səkkizinci ildir ki, birinci yerdə qərarlaşıb. Onu Danimarka, İslandiya, İsveç və Niderland izləyir.  

Bu hesabat, rifah elmi sahəsində aparıcı ekspertlər və tədqiqatçıların birgə səyi nəticəsində hazırlanıb. 

Siyahı "Gallup World Poll"un məlumatları əsasında tərtib edilir və 2022-2024-cü illəri əhatə edən üçillik dövr ərzində insanların həyatlarından məmnunluq səviyyəsini ölçüb.

Ekspertlər ölkələri aşağıdakı 6 əsas faktora əsasən təhlil ediblər:  

Adambaşına düşən ÜDM, sosial təminat, sağlam yaşam müddəti, azadlıq, insanların səxavətliliyi və korrupsiya səviyyəsi.

Hesabata görə, xoşbəxtlik reytinqi respondentlərin subyektiv həyat keyfiyyəti dəyərləndirmələrinə əsaslansa da, bu altı dəyişən müxtəlif ölkələr arasındakı fərqləri daha dərindən izah etməyə kömək edir.  

Hesabata əsasən Asiyanın ən xoşbəxt ölkələri:  

1. Tayvan  
2. Sinqapur  
3. Vyetnam  
4. Tailand  
5. Yaponiya  
6. Filippin  
7. Cənubi Koreya 
8. Malayziya  
9. Çin  
10. Monqolustan  

Rəhim