"Microsoft"un 37 yaşlı meneceri Naqa Santosh Reddi Vutukuri (Naga Santhosh Reddy Vootukuri) süni intellektin iş mühitində yaratdığı dəyişikliklər barədə danışıb.  

Valyuta.az "Business Insider"ə istinadən xəbər verir ki, Reddi Vutukuri süni intellektin kodlaşdırmaya sərf olunan vaxtı 70% azaltdığını, həmçinin oxumaq və görüşlərə ayrılan vaxtı da əhəmiyyətli dərəcədə azaldığını bildirib. Əldə olunan əlavə vaxt isə son tarixlərə uyğun olaraq işlərin tamamlanmasına və göndərmə yeniləmələrinə sərf edilir.  

Reddi Vutukuri "Microsoft"da 14 ildir çalışır və on ildən çoxdur menecer vəzifəsini icra edir. O qeyd edib ki, əvvəl iş vaxtının 80%-ni kodlaşdırmaya, 20%-ni isə sənəd hazırlamaq, komandası ilə müzakirələr aparmaq və kiçik mühəndislərə tapşırıqlar verməyə sərf edirdi. Süni intellektin tətbiqi ilə kodlaşdırmaya ayrılan vaxt 70% azalıb.  

Onun sözlərinə görə, süni intellekt kod şərhləri və təkliflər təqdim etdiyini, həmçinin görüşlərdə vaxt qazanmasına kömək etdiyini vurğulayıb. Artıq o, görüşlərə qatılmadan, transkriptlər və xülasələr vasitəsilə müzakirələri izləyə bilir. Bu alətlər tam dəqiq olmasa da, daim inkişaf edir və effektivliyi artırır.

Eyni zamanda, süni intellektin ona oxumaqla bağlı vaxt qazandırdığını qeyd edir. Hər hansı yeni bir xüsusiyyət buraxılarsa, əvvəllər bütün dizayn sənədlərini oxumağa çox vaxt sərf edirdi, amma indi bu proses daha sürətlidir.

Buna baxmayaraq, süni intellektin həlli olduğu məsələlərdən daha mürəkkəb tapşırıqlarda hələ də qeyri-kafi olduğunu bildirir. Komandası ilə məhsulun inkişafı və müştəri tələbləri üzrə müzakirələr zamanı süni intellektdən istifadə edilə bilməz. "Microsoft"da "Scrum" metodologiyasına əsaslanaraq, komandalar iki həftəlik sprintlərdə işləyir və bu modellə məhsul yeniləmələri daha tez-tez təqdim edilir. Lakin bu sürətlə rəqabət davam edir və şirkətlər yeniliklərə qarşı daha sürətli reaksiya verməyə çalışır.

Əvəz Həsənov