“Lovable” 330 milyon dollar investisiya alıb

“No-code” və süni intellekt dəstəyi ilə məhsul inkişafını təmin edən “Lovable” platforması, “CapitalG” və “Menlo Ventures” şirkətlərinin rəhbərliyi ilə keçirilən B seriyası investisiya raundunda 330 milyon dollar sərmayə cəlb edib.

Valyuta.az xəbər verir ki, bu mərhələdən sonra şirkətin ümumi bazar dəyəri 6,6 milyard dollara yüksəlib.

Texniki biliklərə malik olmayan istifadəçilərə mobil tətbiqlər və veb əsaslı məhsullar hazırlamaq imkanı verən “Lovable”, məhsul menecerləri, marketinq və əməliyyat komandaları, eləcə də fərdi sahibkarlar üçün prototipdən istehsala qədər olan prosesi kod yazmadan idarə etməyə şərait yaradır.

 Şirkətin açıqlamasına görə, platformada hər gün 100 mindən çox yeni layihə yaradılır. İlk ilin sonunda bu rəqəm ümumilikdə 25 milyonu keçib. Son altı ayda “Lovable” vasitəsilə hazırlanmış məhsullar yarım milyarddan çox baxış toplayıb, gündəlik ziyarətçi sayı isə 6 milyonun üzərindədir.

Mayya Hüseynova