“Apple”dan yeni tətbiq - Nə işə yarayacaq?

“Apple” “iOS 18.3 beta” versiyasında "Apple Invites" tətbiqinə aid kodlar aşkar edilib. Bu tətbiqin “iPhone” istifadəçilərinə tədbir və görüşləri daha asan şəkildə təşkil etməyə imkan yaradacağı düşünülür.

Valyuta.az-ın məlumatına görə, yeni tətbiqin, "Apple"ın təqvim idarəetməsi və qrup təşkil etmə funksiyalarını bir araya gətirəcəyi ehtimal edilir.

iPhone istifadəçiləri üçün tədbir idarəetməsində yeni rahatlıq

Tətbiqin təqvimlə inteqrasiya olunaraq işləyə biləcəyi və ya müstəqil bir tətbiq kimi istifadə ediləcəyi bildirilir. "Apple Invites" istifadəçilər üçün tədbir və görüş planlamasında praktik həll təqdim etmək məqsədilə hazırlanır.

Tətbiqin “iCloud” vasitəsilə də əlçatan olacağı gözlənilir. “iPhone 16” və “15 Pro” modellərində mövcud olan "Apple Intelligence" xüsusiyyətlərinin bu tətbiqin daha səmərəli işləməsinə töhfə verəcəyi ehtimal olunur. Hələ rəsmi olaraq elan edilməyən "Apple Invites" gələcək “iOS” yeniləmələri ilə bağlı daha ətraflı məlumatlarla təqdim edilə bilər.

Əvəz Həsənov